Oranjestad – Diabierna 6 di april 2018, miembronan di e hunta di Aruba Timeshare Association (ATSA) a reuni cu prome minister Evelyn Wever-Croes y minister di turismo Dangui Oduber.
E hunta di ATSA a entrega oficialmente un copia di e rapport recien finalisa di e impacto economico di Vacation Ownership riba Aruba su economia y a priminti un follow-up riba cuestionnan actual relaciona cu turismo y otro retonan general cu nos pais ta enfrentando, ofreciendo nan apoyo constante.
Pa bisa e grupo bon bini, tanto prome minister como minister di turismo a reconoce e contribucionnan importante di e segmento di e mercado di Vacation Ownership na e producto turistico di nos isla en general y ta spera di por traha cu ATSA pa mantene un posicion di liderazgo den e region.
Riba potret por por aprecia di R pa D: Jurgen van Schaijk (miembro di hunta di ATSA), Freddy Albertus (tesorero di ATSA), prome minister Evelyn Wever-Croes, Ursell Arends (presidente di ATSA), minister di turismo Dangui Oduber y Andy Osbourne (secretario di ATSA).
