Eagle Beach –
E miembronan di Aruba Timeshare Association a disfruta di un lunch meeting fructifero na La Cabana Beach Resort & Casino cu representantenan di mayoria propiedadnan vacacional di e isla, como tambe varios socio. Despues di a aproba e notulen di e reunion anterior, e forum a aprecia un encuesta profundo di ‘Salary Benchmarking’, cu data cu a wordo colecta y analiza pa e departamento di Recurso Humano di La Cabana Beach Resort & Casino, cu aporte di ATSA su miembresia. E informacion importante a wordo comparti entre e miembronan y lo wordo usa pa determina pagonan y pa hasi comparacion cu e mercado local. E empresaria y lider comunitario Lissette Malmberg a presenta proximamente e fundacion HOPE cu 17 obhetivo global cu ta apunta e final di pobresa y hamber riba e isla pa aña 2030. E la describi kiko ta e plan HOPE y e contenido di dje y e la emiti un mensahe hopi solido y basa riba hechonan, pa companianan colabora y yuda resolve algun di e desafionan social di Aruba sin warda pa e gobierno hasi e trabao. E la priminti cu HOPE lo start un movemento civico cu boluntarionan cu ta aporta cu nan tempo, talento y nan tesoronan na e plataforma pa prosperidad na Aruba ta sostenibel y pa e ser comparti. Malmberg tabata acompaña pa miembronan di su centro civico, Tabitha Smith y Diana Croes.

Despues abogado Patrick Brown a tene un presentacion cortico over di e cambionan cu a wordo proponi den e articulonan di e asociacion cu lo permiti ATSA crece invitando proyectonan di condominiums na e asociacion, contal nan cumpli cu nan responsabilidadnan economico door di cobra y paga impuesta na gobierno. Cu 1028 camber di condominiums riba e isla, ATSA ta desea di wak algun di e propiedadnan converti den miembro. Actualmente un structura di cuota pa miembresia ta wordo discuti.

Hotelero Andy Osbourne cu ta representa ATSA den e hunta di Aruba Hospitality & Security Foundation (AH&SF), a presenta nan logronan den 2017 y a duna un idea general di nan plan pa 2018. E Security Foundation, un partner importante den hospitalidad ta conta cu e apoyo total di ATSA den su mision di mantene Aruba safe, protegi y respetuoso cu e medio ambiente, specialmente den e zonanan cu ta wordo frecuenta pa turista. AH&SF ta un asociacion publico y priva cu su prioridadnan basico di apoya KPA.

Durante Freeword, Gerente General Joe Najjar a entrega un rapport cortico over TPHF, Tourism Product Enhancement Fund, cu ta ocupa nan mes cu e zonanan designa pa landa y e boeinan instala na e beachnan popular. Najjar tambe a agrega cu un acuerdo cu Clean Master lo sigura e recogemento di sushi na e mesun beachnan aki. Recientemente algun compania di diseño a wordo pidi pa presenta un plan pa caminda pa core bais, un caminda pa jog den e area di Malmok, facilitando ehercisio y recreacion, y tambe a comparti e plan pa iluminacion di caya den e area di Arashi Beach – California Lighthouse.

Najjar tambe a insisti na e miembronan pa pone hopi atencion na e negoshinan nobo di deporte acuatico cu a wordo movi for di e high-rise area, pa nan no sobrepopula Aruba su beach fragil, Eagle Beach.

E president Ursell Arends a informa cu e asociacion ta mirando pa expande e Orientation Week, un evento anual caminda ta invita studiantenan vocacional pa bishita propiedadnan, na un programa di stage, educando studiantenan di hospitalidad cualifica y prepara nan pa drenta den e servicio di e industria.

President Arends a gradici La Cabana pa organiza un evento perfecto cu a inclui un lunch saludabel.